झारखंडी भासा साहित संस्कृति अखड़ा कर महासम्मेलन 23 आउर 24 अप्रैल के रजधानी राँची में होवी। महासम्मेलन में गोटा देस कर जुदा-जुदा राइज से 600 से बगरा झारखंडी लेखक, साहितकार, कलाकार, पत्राकार आउर संस्कृतिकर्मी मेसा होबयँ। ई जनकारी 24जनवरी के राँची में होवल अखड़ा केन्द्रीय समिति कर बइठकी कर बाद देवल गेलक।

उड़ीसा कर बारीपदा कॉलेज में उड़िया साहित कर लेक्चरर दमयंती बेसरा के संताली साहित ले बर्स 2009 कर साहित अकादमी अवार्ड देवेक कर घोसना करल जाय हे। बेसरा के ई सनमान उनकर संताली कबिता संग्रह ‘साय साँहेत’ले देवल जाइ। ई संग्रह में उनकर लिखल सवठो कबिता सामिल हय।